"Бюджет 2 есе өскен, ал рейтингіміз түсіп кетті": спорт саласындағы жемқорлық схемалар әшкере болды

Сыбайлас жемқорлыққа қарсы қызметте агенттік төрағасы Асхат Жұмағали спорт саласындағы жемқорлық проблемасы барын мәлімдеді. Бұл туралы ол жемқорлық тәуекелдерін жою мәселелері бойынша өткен ведомствоаралық мәжілісте айтты.

Агенттік сайтындағы мәліметке қарағанда, жыл басынан бері спорт саласында 39 жемқорлық қылмысы тіркелген.

Кейінгі 6 жылда осы саладағы бюджет 2 есеге өсіп, 1,4 трлн теңгеге жеткен.

"Алайда Қазақстанның әлемдік спорттағы рейтингі төмендеп жатыр. Осы сала бюджетінің 90 пайызы жұмсалатын "жоғары жетістіктер" және "бұқаралық" спортты қаржыландыру арасында теңгерімсіздік байқалады.

Ал дамыған елдерде пропорциялар мүлдем өзгеше және бұқаралық спортқа қаражат бөлу басым", - делінген хабарда.

Асхат Жұмағалидің айтуынша, қаржыландырудағы диспропорция жемқорлық схемаларына негіз болған.

"Егер бұқаралық спортта қазір цифрландырылған жан басына шаққандағы қаржыландыру бағдарламасы жұмыс істеп тұрса, онда жоғары жетістіктер спортында ашық емес және субъективті төлемдер, аз бақылау, аффилирленген қатысушылар, жалған оқу-жаттығулар және қосарланған қаржыландыруға жағдай жасалған", - деп атап өтті агенттік төрағасы.

Мәжілісте Қазақстандағы спортшыларды натурализациялау, кәсіби клубтардың бюджеттерін қалыптастыру және легионерлерге төлемдерді қаржыландыру мәселелері талқыланды.

Ел президентінің бюджет пен жалақы мөлшерін шектеу жөніндегі тапсырмасына қарамастан, еліміздің футбол кәсіподақ клубтары кейінгі 3 жыл ішінде 30 млрд теңгеден астам үстемеақы төлеген.

"Менің ұстанымым біржақты және менің спорттық мансабым да өзгеріссіз қалады – жемқорлыққа мүлдем төзбеушілікті қалыптастырып, оның кез келген көріністеріне қатаң шаралар қолдану қажет", - деп атап өтті Ұлттық олимпиадалық комитетінің президенті Геннадий Головкин.

Кеңес қорытындысы бойынша Сыбайлас жемқорлыққа қарсы ведомствоның басшысы уәкілетті органдарды елдегі спортты дамыту жөніндегі тікелей міндеттерді мүлтіксіз орындауға шақырып, жемқорлық заңбұзушылықтарға жол бермеу туралы ескертті.