Белгілі журналист Ғаділбек Шалахметов дүние салды

Белгілі журналист, қоғам қайраткері Ғаділбек Шалахметов өмірден озды. Оның қайтыс болғаны туралы ақпаратты Kazinform агенттігіне Қазақстан Журналистика академиясындағылар растады.

Ғаділбек Шалахметов 81 жасқа қараған шағында Алматыда қайтыс болды.

Басылымның мәліметінше, Ғаділбек Шалахметов 1943 жылы 9 маусымда Астрахань облысында дүниеге келген.

Қазақ политехникалық институтын бітіріп, Мәскеудегі сценаристер мен режиссерлердің жоғары курстарында білім алған.

Атақты публицист 300-ден астам ғылыми және публицистикалық еңбектердің авторы атанған. Сценарист болып жұмыс істеген.

Сондай-ақ, басылымның жазуынша, 2009 жылдан бастап Л.Н.Гумилев атындағы Еуразия ұлттық университетінің журналистика және саясаттану факультетінің телерадио және қоғаммен байланыс бөлімін басқарған.

Оған Қазақстанның еңбек сіңірген қайраткері атағы берілген. Қазақстан Ұлттық жаратылыстану ғылымдары академиясының академигі болды.

Мәтіннен қате тапсаңыз, бізге жазыңыз