Қарт әжені үйінен көтеріп шыққан: төтеншеліктер СҚО-ның су басқан аумақтарынан тұрғындарды қалай эвакуациялап жатыр

Солтүстік Қазақстан облысында су басқан Красная поляна ауылының тұрғындары эвакуациялануда. Төтенше жағдайлар министрлігі құтқарушылар адамдар мен жануарларды судан қалай құтқарып жатқанын көрсетті, деп хабарлайды ведомствоға сілтеме жасаған KAZ.NUR.KZ.

Құтқарушылар эвакуация кезінде түсірілген видеоны жариялады. Видеодан Төтенше жағдайлар министрлігі өкілдерінің арнайы костюммен көшеде белуардан су кешіп жүргенін көруге болады. Кей тұстарда су деңгейі құтқарушылардың белінен келетінін байқаймыз.

Бейнежазбада балдақпен жүретін қарт әже де көрсетілген. Үйдің еденін су басқан, ал құтқарушылар зейнеткерді көтеріп шығып, автокөлікке дейін қайықпен апарған.

"Тайынша ауданы Красная поляна ауылының аумағында СҚО ТЖД тобы адамдар мен ауыл шаруашылығы жануарларын эвакуациялауда", - делінген хабарламада.

Мәтіннен қате тапсаңыз, бізге жазыңыз