Маңғыстау облысында көшеде баланың көзінше әйелін ұрып-соққан ер адам ұсталды

Маңғыстаулық полицейлер көшеде баланың көзінше әйелді ұрып-соққан ер адамды ұстады. Бұл туралы Lada.kz хабарлайды.

Ер адамның ойын алаңында әйелді ұрып жатқан видеосы Instagram-дағы парақшалардың бірінде жарияланды.

Полицейлердің мәліметінше, бұл жағдай 7 сәуірде Маңғыстау ауылында болған.

"Құқық бұзушы анықталып, Мұнайлы аудандық полиция бөліміне жеткізілді", - деп хабарлаған облыстық полиция департаменті өкілдері желілік басылым тілшісіне.

Полицейлер отбасы-тұрмыстық қатынастар аясындағы құқыққа қарсы әрекеттер бойынша материал сотқа жолданғанын хабарлады.