Су тасқыны: республикалық маңызы бар 14 автожолда қозғалыс шектелді

Елдегі су тасқынына байланысты алты облыстағы республикалық маңызы бар 14 автожол қозғалысына шектеу қойылды. Бұл туралы KAZ.NUR.KZ "ҚазАвтоЖолдың" Telegram-дағы ресми арнасына сілтеме жасап хабарлайды.

"2024 жылғы 10 сәуірдегі сағат 09:00-дегі жағдай бойынша халықаралық және республикалық маңызы бар автомобиль жолдарында ауарайының жылынуы мен қардың тез еруі салдарынан 4 облыста (Ақмола, СҚО, Атырау, Қостанай) 8 жол жүру учаскесінде жалпы ұзындығы 3655 метр болатын су тасқыны болды", - делінген хабарламада.

"ҚазАвтоЖол ҰҚ"АҚ мәліметінше, 6 облыстағы (Ақтөбе, Ақмола, Атырау, Қостанай, Маңғыстау, СҚО) республикалық маңызы бар 14 автомобиль жолдарында (ұзындығы 626 км) қозғалысқа шектеу қойылды.

Қазіргі таңда республикалық жолдарда 365 техника мен 701 адам жұмылдырылған.