Салтанат Нүкенованың өлімі: Байжанов өзіне тағылған айыпты мойындамайтынын айтты

Астана сотында Салтанат Нүкенованың өліміне қатысты іс бойынша "Гастро-орталық" директоры Бақытжан Байжановтан жауап алу жалғасуда. Бүгін судьяның сұрақтарына жауап берген ол өзіне тағылған айыпты мойындамайтынын мәлімдеді, деп хабарлайды KAZ.NUR.KZ тілшісі.

"Сізге тағылған айыптар бойынша өз ұстанымыңызды білдіріңіз, сіз қылмыс туралы хабарламағаныңыз үшін кінәлі екеніңізді мойындайсыз ба?", - деп сұрады судья Байжановтан.

"Жоқ, өйткені мен білген жоқпын. Содан кейін мен білген бойдан бірден хабарладым", - деп жауап берді Байжанов.

Бұдан кейін судья айыпталушыдан "Қылмысты жасырды деген айыппен келісесіз бе?" деп сұрады.

"Жасыруға келсек, жоқ, ол 3 пен 5 аралығында қайтыс болған (сағат - ред.) мен жазбаны 13.30-да өшіріп тастадым, яғни, ол қайтыс болғанға дейін", - деді Байжанов.

Еске сала кетсек, бұған дейін сот отырысында Бақытжан Байжанов сот отырысы барысында уақытша ұстау изоляторында өзіне қысым көрсетілгенін айтқан болатын.