Полицейлер атыс болады деген хабарламадан кейін Астана мектептерін тексерді (видео)

Астана полиция департаменті әлеуметтік желіде білім беру ұйымдарында жаппай атыс болатыны жайлы ақпарат тараған соң елорда мектептерін тексерді, деп хабарлады Астана қаласы полиция департаменті ресми Instagram-дағы парақшасында.

"Полиция департаменті мессенджерлерде, соның ішінде Telegram-да қала мектептерінде терроризм қаупі туралы кең таралған жарияланым шындыққа жанаспайтынын хабарлайды. Білім беру ұйымдары тиісті қызметтермен тексерілді", - делінген хабарламада.

Полицейлер тұрғындардан тыныштықты сақтауға және тек ресми ақпаратқа сенуге шақырды.

Сондай-ақ полицейлер көрінеу жалған хабарлама таратқаны үшін қылмыстық жауапкершілік қарастырылғанын еске салды.