Синоптиктер Қазақстанда демалыс күндері 32 градусқа дейін ыстық болатынын айтты

Алдағы демалыс күндері Қазақстанның басым бөлігінде жауын-шашынсыз ауа райы сақталады, кей өңірлерде күн 32 градусқа дейін ыстық болады. Бұл туралы "Қазгидромет" РМК-ға сілтеме жасаған KAZ.NUR.KZ хабарлайды.

Синоптиктердің болжауынша, антициклон сілемі еліміздің басым бөлігінде күн райының жауын-шашынсыз болуына әсер етеді.

Республиканың оңтүстігі мен оңтүстік-шығысындағы таулы аймақтарда атмосфералық фронттардың өтуімен өткінші жаңбыр жауып, найзағай ойнайды.

Батыс және оңтүстік облыстарда шаңды дауыл соғып, жел күшейеді.

Күндіз ауа температурасы батыста және оңтүстікте 25-32 ºC-қа дейін, солтүстік пен орталықта 20-28ºC-қа дейін, республиканың шығысында 17-25 ºC-қа дейін көтеріледі.

Мәтіннен қате тапсаңыз, бізге жазыңыз