Жезқазғанда төтенше жағдай енгізілуі мүмкін

Ұлытау облысының орталығы – Жезқазған қаласының аумағында жергілікті ауқымдағы табиғи сипаттағы төтенше жағдай енгізілуі мүмкін. Тиісті шешім жобасы "Ашық НҚА" порталында жарияланды, деп хабарлайды KAZ.NUR.KZ.

Құжатта Ұлытау облысының орталығы Жезқазған қаласы аумағында жергілікті ауқымдағы табиғи сипаттағы төтенше жағдай жариялау ұсынылған.

Төтенше жағдай енгізілген жағдайда табиғи сипаттағы төтенше жағдайды жою басшысы болып Жезқазған қаласы әкімінің орынбасары Ербол Құсайынов тағайындалады.

Tengrinews.kz тілшісіне қала әкімдігінің өкілдері төтенше жағдай жариялауға су тасқыны себеп болып отырғанын хабарлаған. Тұрғындар үйіне суға кетіп, малы қырылып жатқанын жазған.

Төтенше жағдай жариялау туралы шешім бүгін қабылданады.

Мәтіннен қате тапсаңыз, бізге жазыңыз