Ақтауда қозғалыстың қарсы бағытымен жүрген жүргізушілердің әрекеті видеоға түсіп қалды
Жарияланған күні:
![Айыптұраққа қойылған көлік Айыптұраққа қойылған көлік](https://cdn.nur.kz/images/1120x630/2b37d5e3e74aaf2b.jpeg)
Ақтауда екі көлік жүргізуші жол жүру ережесін бұзып, жауапкершілікке тартылды. Құқық бұзушылардың көліктері айып тұрағына жеткізілді, деп хабарлайды Ақтау полиция басқармасы Instagram желісіндегі парақшасына сілтеме жасаған KAZ.NUR.KZ.
Instagram желісіндегі 112_aktau парақшасында Ақтау көшелерінде екі көліктің жарысып келе жатқаны түсірілген видео жарияланды. Видеодан көлік жүргізушілері жоғары жылдамдықта қарама-қарсы бағыттағы жолда келе жатқанын көруге болады. Сондай-ақ көлік жүргізушілердің бірі бағдаршамның қызыл түсінен өтіп кеткен.
Видеоны көліктердің бірінде отырған жолаушы түсіріп алған. Видеода бойжеткен үрейленіп, айғайлағанын естуге болады.
Ақтау полиция басқармасы баспасөз қызметінің өкілдері аталған жайтқа қатысты пікір білдірді. Тәртіп сақшылары заң бұзушылық жасаған көлік иелерін анықтады.
"Оларға қатысты Әкімшілік құқық бұзушылық туралы кодексің 230, 593, 599-баптары бойынша әкімшілік хаттамалар толтырылды", - делінген полиция хабарламасында.
Toyota Camry мен Mercedes көліктері айып тұрағына қойылды.
Назар аударыңыз! Видеода бейәдеп сөздер бар.
Мақаланың түпнұсқасы: https://kaz.nur.kz/society/2092907-aqtauda-qozgalystyng-qarsy-bagytymen-zhurgen-zhurgizushilerding-areketi-videoga-tusip-qaldy/