Маңғыстау облысында тұратын рутул ұлтының өкілі салт-дәстүр мен қазақ тілін қалай үйренгенін айтты
Жарияланған күні:
![Виктория Гасангусейнова Виктория Гасангусейнова](https://cdn.nur.kz/images/1120x630/c405344187b929dc.jpeg)
Виктория Гасангусейнова – рутул ұлтының өкілі. Ол Маңғыстау облысының Ақтау қаласында қазақы ортада өскен әрі қазақтың тілін де, салт-дәстүрін де жетік біледі, деп хабарлайды Mangystaumedia.kz.
Виктория Гасангусейнованың қазақ ұлтына деген құрметі айрықша. Ол қазіргі таңда "Басқұдық ауылдық мәдениет үйінде" әдіскер болып қызмет етеді.
Қазақ ауылында өскен Виктория қазақтың жөн-жоралғысы мен дәстүрін бес саусағындай біледі. Ал қазақ тілін бала күнінен біледі.
"Қазақ тілін балабақшада үйрендім. Отбасымда анам да, ағам да қазақ тілін жетік меңгерген. Қазақстанда 130-дан астам ұлт өкілі тұрады. Себебі біздің халық өте қонақжай.
Ортақ Отанымызда еркін, бірлікте өмір сүріп жатқаныма алғысым шексіз. Біздің күшіміз – бірлікте, - дейді Виктория Гасангусейнова.
Мақаланың түпнұсқасы: https://kaz.nur.kz/society/2093693-manggystau-oblysynda-turatyn-rutul-ultynyng-okili-salt-dastur-men-qazaq-tilin-qalai-uirengenin-aitty/