Түркістан облысында өз бетінше тауға шығып, қайта түсе алмай қалған туристер құтқарылды (видео)

Түркістан облысында үш турист тауға шығып, өз бетінше түсе алмаған. Салдарынан құтқарушыларды көмекке шақыруға тура келген, деп хабарлайды KAZ.NUR.KZ облыстық Төтенше жағдайлар департаментіне сілтеме жасап.

Төтенше жағдайлар департаментінің Instagram парақшасындағы ақпаратқа сәйкес, 1 мамырда Түркістан облысы Қасқасу ауылында үш турист тауға шығып, түсе алмаған. Оқиға орнына облыстық ТЖД қызметкерлері келді.

"Екі ер адам мен әйел теңіз деңгейінен 2800 км биікке көтеріліп, өз бетінше түсе алмады. Құтқарушылар шыңға көтеріліп, туристерге түсуге көмектесті", - делінген хабарламада.

Ведомство дерегінше, туристерге медициналық көмек қажет болған жоқ.

Сондай-ақ ТЖМ өкілдері таудағы қауіпсіздік ережелерін еске салып, төтенше жағдай кезінде 112 нөмірі бойынша қоңырау шалуға шақырды.