Астана әкімі жаңа аудан қашан құрылатынын айтты

Астана әкімі Жеңіс Қасымбек елордада бір жылдың ішінде жаңа аудан құрылатынын айтты. Алайда оның атауы мен шекарасы әлі де жұртшылық талқысына салынады, деп хабарлайды KAZ.NUR.KZ.

"Осы жылдың ішінде жаңа аудан құрылады, бірақ алдымен аудан жұртшылығымен ауданның шекарасын, атауын және т.б. мәселелерді егжей-тегжейлі талқылауымыз керек. Атауы бойынша қазір нақты ештеңе айта алмаймын. Мұның барлығы аудан жұртшылығымен алдағы уақытта талқыланатын болады. Бірақ бұл жұмысты осы жылдың ішінде аяқтауды жоспарлап отырмыз.

Бұған не себеп? Аудан белсенді түрде өсіп келеді, қазірдің өзінде 400 мыңға жуық тұрғын бар, стандарттарға сәйкес біз жаңа әкімшілік бірлік құруымыз керек, өйткені ауданның жаңа тұрғындарына қызмет көрсету үшін қосымша полиция қызметкерлері мен әлеуметтік қызметкерлер қажет. Пропорционалды түрде бөлінеді, екі аудан тұрғындарының саны шамамен бірдей болады", - деді Астана әкімі Жеңіс Қасымбек.