Домофонды бұзып, терезеден сынған ыдыс лақтырған: елордада вандалдар жазаланды (видео)
Жарияланған күні:
![Полицей көлігі Полицей көлігі](https://cdn.nur.kz/images/1120x630/3e58dc8a5735c4cc.jpeg)
Астанада вандализммен күресу және оның алдын алу бойынша жұмыс белсенді жүріп жатыр. Құқық қорғау органдары кезекті вандализм әрекеттерін анықтап, оларған тиісті шара қолданды, деп хабарлайды KAZ.NUR.KZ елорда әкімдігіне сілтеме жасап.
Әкімдік мәліметінше, 25 сәуірде 49 жастағы ер адам Тайбурыл көшесінде орналасқан пәтерінің терезесінен сынған ыдыстарды лақтырған. Осылайша ол аулада тұрған көліктің алдыңғы терезесін сындырып, бөтеннің мүлкін қасақана бүлдірді. Вандализм әрекетін жасаған адам анықталып, тиісті жазаға тартылды.
Тағы бір жағдайда, 1 мамырда күні 58 жастағы ер адам мас күйде Мәңгілік ел даңғылы, 36/3 мекенжайында Asylym prime тұрғын үй кешеніндегі домофонды сындырған. Оның жеке басы анықталып, жауапкершілікке тартылды.
"Жыл басынан бері сот бөтеннің мүлкін қасақана сындырғаны, жалпы пайдалану орындарын ластағаны, ғимараттар мен тұрғын үй-жайларды бүлдіргені үшін 100-ден астам адам жазаланды. Олардың бәрі жауапқа тартылды. Вандализмнің алдын алу жұмыстары қалалық прокуратура мен полиция департаментінің үйлестіруімен жүргізіледі", - делінген әкімдік хабарында.
Мақаланың түпнұсқасы: https://kaz.nur.kz/society/2095229-domofondy-buzyp-terezeden-syngan-ydys-laqtyrgan-elordada-vandaldar-zhazalandy-video/