Астана мен Павлодарда экстремизмге қатысы болуы мүмкін күдіктілер ұсталды (видео)

ҰҚК қызметкерлері ІІМ мен прокуратурамен бірлесе отырып, Астана мен Павлодарда экстремизмге қатысы бар деген күдікпен үш қазақстандықты ұстады. Бұл туралы Ұлттық қауіпсіздік комитетіне сілтеме жасаған NUR.KZ хабарлайды.

Комитеттің Telegram-дағы арнасында хабарланғандай, қамауға алу операциясы 2 және 3 мамырда өтті.

2-3 мамырында Астана және Павлодар қалаларында Ұлттық қауіпсіздік комитеті ІІМ-мен өзара әрекеттесе және прокуратура органдарының үйлестіруімен Қазақстанның 3 азаматын ұстады.

"Олар терроризмді насихаттады және республика аумағында тыйым салынған діни-экстремистік ұйымның қызметіне қатысты деп күдіктелуде.

Тінту барысында діни әдебиеттер мен өзге де заттай дәлелдемелер алынды", - делінген хабарламада.

Күдіктілер бұрын жалпы қылмыстық және экстремистік қылмыстар жасағаны үшін сотталған.

Қылмыстық кодекстің 256 және 405-баптары бойынша сотқа дейінгі тергеп-тексеру жүргізілуде.

"Қылмыстық-процестік кодекстің 201-бабының 1-бөлігіне сәйкес өзге де ақпарат жария етуге жатпайды", - деді ҰҚК өкілдері.

Айта кетейік, ҚР Қылмыстық кодексінің 256-бабына сәйкес, терроризмді насихаттау немесе терроризм актісін жасауға жария түрде шақыру, сол сияқты көрсетілген мазмұндағы материалдарды тарату мақсатында дайындау, сақтау немесе тарату – мүлкі тәркіленіп, бес жылдан тоғыз жылға дейiнгi мерзiмге бас бостандығынан айыруға жазаланады.