Алматы облысында 2 балдық жер сілкінісі сезілді

Бүгін Алматы облысында сағат 09:12-де жер сілкінісі сезілді. Бұл туралы ТЖМ Telegram-дағы арнасында хабарлады.

Жер сілкінісінің ошағы Алматыдан оңтүстік-шығысқа қарай 194 км жерде, Қазақстан мен Қырғызстан шекарасында орналасқан.

Энергетикалық класы – 11.2. Магнитудасы – MPV 5.7. Тереңдігі – 10 км.

Алматы облысының Кеген ауданының Кеген ауылында 2-3 балл, Қарқара ауылында 3-4 балл, Тоғызбұлақ ауылында 3 балл болып сезілген.

Зардап шеккендер мен қираулар туралы ақпарат жоқ.