Алматыда Zheka'S Doner, Salam Bro қосалқы құрылыс нысандары сүрілді
Опубликовано:
![Сүріліп жатқан нысандар Сүріліп жатқан нысандар](https://cdn.nur.kz/images/1120x630/bbe3c60ab5b941e0.jpeg)
Алматыда сот шешімі бойынша бірнеше қоғамдық тамақтандыру нысаны мен дүкен сүрілді. Бұл туралы KAZ.NUR.KZ қала әкімдігіне сілтеме жасап хабарлайды.
Алматының қала құрылысын бақылау басқармасының мәліметінше, Түркебаев көшесі, 88-үй бойында орналасқан ғимаратты жоспардан тыс тексеру кезінде басқарма қосалқы нысанның рұқсат құжаттарынсыз салынғанын анықтады.
"Меншік иесіне (жеке тұлғаға) қатысты жол берілген бұзушылықтарды жоюға нұсқама бере отырып, ӘҚБтК 316-бабы 1-бабы, 321-бабы, 323-бабы бойынша шаралар қабылданды.
2023 жылғы 18 мамырда АЭАС-қа бұзу туралы талап қойылды, оны сот қанағаттандырды.
Кейін меншік иесі апелляциялық шағым берді, алайда бірінші сатыдағы соттың шешімі Алматы қалалық сотының 2023 жылғы 17 қазандағы қаулысымен өзгеріссіз қалдырылды", - делінген хабарда.
Бүгін, 6 мамырда нысан сот орындаушыларының қатысуымен сүрілді.
![Сүріліп жатқан нысандар Сүріліп жатқан нысандар](https://cdn.nur.kz/images/1120/0f705d7430146353.jpeg)
Бұған дейін Алматы әкімі Ерболат Досаев заңсыз құрылысты бақылауды күшейтуді тапсырған болатын.
Жалпы, қала бойынша талап қою қызметінің нәтижелеріне сәйкес жыл басынан бастап 28 заңсыз нысан, оның ішінде бизнес-орталықтар, мейрамханалар, қосалқы нысандар мен автосервистер, сондай-ақ "Мечта" және KHAN сияқты ірі тұрғын үй кешендері сүрілді.
Мақаланың түпнұсқасы: https://kaz.nur.kz/society/2097140-almatyda-zheka-s-doner-salam-bro-qosalqy-qurylys-nysandary-surildi/