Полиция қызметкері соққыға жығылды деген ақпаратқа қатысты Ақмола облыстық ПД тергеу бастады

Желіде Ақмола облыстық полиция департаменті басқарма бастығының орынбасары қарамағындағы қызметкерді ұрды деген ақпарат пайда болды. Ведомство қызметтік тергеу басталғанын хабарлады, деп хабарлайды KAZ.NUR.KZ.

Ақпарат Telegram-дағы EGOV.PRESS арнасында пайда болды.

"Кейбір ақпарат көздері Ақмола облысы ПД бастығының орынбасары өзінің қарамағындағы қызметкерін жұрттың көзінше ұрып-соққаны туралы хабарлады", - деп жазылған арна таратқан мәліметте.

Ақмола облыстық ПД баспасөз қызметі өкілдері жазбаға пікір қалдырып, бұл жағдайға қатысты жауап жазған.

"Бұл факт бойынша қызметтік тергеу жүргізілуде", - деп қысқаша жауап берген ведомство өкілдері.

Сондай-ақ бұған дейін желіде Ақмола облыстық полиция департаментінің қызметкері Астанада мас күйде көлік жүргізгені жауапкершілікке тартылған болатын.

Мәтіннен қате тапсаңыз, бізге жазыңыз