Батыс Қазақстан облысының әкімі ардагерлерді Жеңіс күнімен құттықтады
Жарияланған күні:
![Батыс Қазақстан облысының әкімі ардагерлерді Жеңіс күнімен құттықтады Батыс Қазақстан облысының әкімі ардагерлерді Жеңіс күнімен құттықтады](https://cdn.nur.kz/images/1120x630/4bf9c0557533b5b5.jpeg)
Биыл екінші дүниежүзілік соғыстың аяқталғанына - 79 жыл. 9 мамыр – Жеңіс күні Батыс Қазақстан облысының әкімі Нариман Төреғалиев облыс орталығындағы "Жеңіс" алаңына барып, мәңгілік алауға гүл шоқтарын қойды.
Іс-шараға еңбек ардагерлері, құқық қорғау саласының қызметкерлері, зиялы қауым өкілдері, қоғам белсенділері мен жастар қатысты.
![Батыс Қазақстан облысының әкімі ардагерлерді Жеңіс күнімен құттықтады Батыс Қазақстан облысының әкімі ардагерлерді Жеңіс күнімен құттықтады](https://cdn.nur.kz/images/1120/3a8f14d6ecac544a.jpeg)
Жиналғандар сұрапыл соғыс жылдарында кеудесін отқа тосып, бейбітшілік үшін күрескен батырларға тағзым жасап, гүл шоқтарын қойды.
![Батыс Қазақстан облысының әкімі ардагерлерді Жеңіс күнімен құттықтады Батыс Қазақстан облысының әкімі ардагерлерді Жеңіс күнімен құттықтады](https://cdn.nur.kz/images/1120/6f2a6c7556be8f1a.jpeg)
Гүл шоқтарын қою рәсімінен соң, БҚО әкімі Нариман Төреғалиев Орал қаласында тұратын соғыс және еңбек ардагерлерінің үйіне барды.
Атап айтқанда, Нариман Төреғалиев соғыс ардагерлері – Иван Гапичті, Вениамин Скаленконы және тыл ардагері – Ақбай Жайсаңды Жеңіс күнімен құттықтады.
![Батыс Қазақстан облысының әкімі ардагерлерді Жеңіс күнімен құттықтады Батыс Қазақстан облысының әкімі ардагерлерді Жеңіс күнімен құттықтады](https://cdn.nur.kz/images/1120/3115e9068f71ac04.jpeg)
Облыс әкімі соғыс ардагерлеріне ҚР Президенті Қасым-Жомарт Кемелұлы Тоқаевтың атынан құттықтау хаттарын табыс етті.
![Батыс Қазақстан облысының әкімі ардагерлерді Жеңіс күнімен құттықтады Батыс Қазақстан облысының әкімі ардагерлерді Жеңіс күнімен құттықтады](https://cdn.nur.kz/images/1120/05d2468129016d0e.jpeg)
"Ардагерлеріміздің ұлы ерлігін әрбір қазақстандық құрметтеп, есте сақтауы керек. Сіздердің арқаларыңызда қазіргі ұрпақ бейбіт күнде өмір сүріп жатыр. Ардагерлерге қамқорлық көрсету – біздің ортақ парызымыз. Оларға қолдау білдіру әрқашан мемлекеттің басты назарында болады", - деді облыс әкімі Нариман Төреғалиев.
![Батыс Қазақстан облысының әкімі ардагерлерді Жеңіс күнімен құттықтады Батыс Қазақстан облысының әкімі ардагерлерді Жеңіс күнімен құттықтады](https://cdn.nur.kz/images/1120/6d03e6d39002bb98.jpeg)
Қазіргі уақытта Батыс Қазақстан облысында ҰОС-ның 14 ардагерлері бар. Биыл 9 мамыр қарсаңында олардың әрқайсысына 1,5 млн.теңгеден әлеуметтік көмек берілді.
Мақаланың түпнұсқасы: https://kaz.nur.kz/society/2097863-batys-qazaqstan-oblysynyng-akimi-ardagerlerdi-zhengis-kunimen-quttyqtady/