Қызылорда облысының әкімі аймақ тұрғындарын Жеңіс күнімен құттықтады
Жарияланған күні:
!["Ұлы Жеңіс – ұрпаққа аманат" "Ұлы Жеңіс – ұрпаққа аманат"](https://cdn.nur.kz/images/1120x630/64de59a420870add.jpeg)
Кеше облыс әкімі Нұрлыбек Нәлібаев "Тағзым" алаңында өткен "Ұлы Жеңіс – ұрпаққа аманат" атты салтанатты шараға қатысып, аймақ тұрғындарын құттықтады.
"Мемлекет басшысы Қасым-Жомарт Кемелұлы "Біз бүгінгі бейбіт өміріміз үшін жеңімпаз аға буынға қарыздармыз. Олардың өшпес ерлігі – кейінгі ұрпаққа үлгі-өнеге. Майдангерлеріміз жан аямай қорғаған азаттық, әділдік, теңдік құндылықтары Әділетті Қазақстан үшін де мызғымас темірқазық болып қала береді", - деп облыс басшысы ерекше атап өткен болатын.
!["Ұлы Жеңіс – ұрпаққа аманат" "Ұлы Жеңіс – ұрпаққа аманат"](https://cdn.nur.kz/images/1120/c97586c96e891534.jpeg)
"Соғыс жылдары Сыр өңірінен 70 мың азамат майданға аттанып, оның 30 мыңнан астамы қаза тапты, хабар-ошарсыз кетті. Биылғы Жеңіс мерекесін 4 майдангеріміз қарсы алуда. Екі ғасырдың, алапат соғыстың куәгерлері, батыр аталарымызға барша Сыр жұртшылығы атынан амандық тілейміз, алдарыңызда бас иеміз", - деді аймақ басшысы.
!["Ұлы Жеңіс – ұрпаққа аманат" "Ұлы Жеңіс – ұрпаққа аманат"](https://cdn.nur.kz/images/1120/9804ccd34d3626a7.jpeg)
Сұрапыл соғыс жылдары ерлік көрсеткен қаhармандар құрметіне бір минут үнсіздік жарияланып, ескерткішке гүл қойылды.
!["Ұлы Жеңіс – ұрпаққа аманат" "Ұлы Жеңіс – ұрпаққа аманат"](https://cdn.nur.kz/images/1120/fc213948c08ab8db.jpeg)
Еске салсақ, соғыста Сыр елінің 21 азаматы ерлігі мен қаһармандығы үшін Кеңес Одағының Батыры атанды, 20 мыңнан астам жауынгер орден- медальдармен марапатталды.
!["Ұлы Жеңіс – ұрпаққа аманат" "Ұлы Жеңіс – ұрпаққа аманат"](https://cdn.nur.kz/images/1120/d77e1993264c94bb.jpeg)
Бүгінде аймақта Ұлы Отан соғысының қатысушылары мен оларға теңестірілген 3948 ардагер бар. Мерекеде барлығына бюджеттен біржолғы әлеуметтік қолдау көрсетілді. Ұлы Отан соғысының 4 ардагеріне 2 млн 500 мың теңгеден біржолғы әлеуметтік көмек төленді.
Мақаланың түпнұсқасы: https://kaz.nur.kz/society/2098103-qyzylorda-oblysynyng-akimi-aimaq-turgyndaryn-zhengis-kunimen-quttyqtady/