Қазақстанның екі өңірінде арнайы операция жүргізілді (видео)

Есірткі қылмысына қарсы іс-қимыл бөлімшелерінің қызметкерлері есірткі жеткізу арнасын жоспарлаған қылмыскерлерді ұстау операциясын жүргізді. Екі ер адам ұсталды, деп хабарлайды Polisia.kz.

"Олардың автокөліктерінен 27 дана целлофан орамдары бар үш сөмке тәркіленді. Онда 100 кг марихуана анықталды. Тыйым салынған заттар Маңғыстау облысына ауыр жүк көліктерімен Жамбыл облысынан жеткізілген", - делінген ведомство хабарламасында.

Ұлытау облысында осыған ұқсас оқиға анықталып, қылмыс тоқтатылды. Өңірде есірткі қылмыстарын анықтау және олардың жолын кесу үшін бірқатар бекет орнатылған.

Қызылорда – Павлодар тасжолындағы осындай бекеттердің бірінде қызмет атқару барысында полиция қызметкерлері Mercedes-Benz автокөлігін тоқтатып, скотчпен оралған қаптарды тапты.

"Жалпы салоннан және жүк салғыштан барлығы 10 қап тәркіленді. Сараптама нәтижесі көрсеткендей, онда 125 кг кептірілген марихуана болған. Бұл бағытта жұмыс жалғасып жатыр", - дейді ІІМ өкілдері.