"Не үшін маған 4 жыл?": Байжанов үкім оқылған соң судьяға сұрақ қойды

Салтанат Нүкенованы өлтіру ісі бойынша үкім оқылды. Судья Айжан Құлбаева сотталушылар Қуандық Бишімбаев пен Бақытжан Байжановтан қандай да бір сұрақтары бар-жоғын сұрады, деп хабарлайды KAZ.NUR.KZ.

24 жылға бас бостандығынан айырылған Қуандық Бишімбаев үкімге қатысты сұрағы жоқ екенін айтып жауап берді. 4 жылға сотталған Бақытжан Байжанов сұрақ ойды:

"Не үшін маған 4 жыл?" - деп сұрады ол.

Судья Құлбаева сот алқабилермен бірге осындай шешім шығарғанын айтты.

"Жарайды. Кінәсіз адамды соттадыңыздар", - деді Байжанов.

Судья сотталушылар үкімге 15 тәулік ішінде шағым түсіре алатынын айтты.