Ақтөбеде бойжеткенді интим суреттермен бопсалаған күдіктілер ұсталды
Жарияланған күні:
Ақтөбеде полиция бойжеткенді бопсалаған күдіктілерді ұстады, деп хабарлайды Polisia.kz.
Ақтөбе облысы полиция департаментінің ұйымдасқан қылмысқа қарсы күрес басқармасының қызметкерлері жедел-іздестіру шараларын жүргізу барысында бойжеткеннен 300 мың теңге сомасында ақша бопсалаған екі тұрғынды ұстаған.
Тұрғындар бойжеткенді оның интим сипатындағы фото-бейнематериалдарын жариялайтынын айтып қорқытқаны анықталды.
Полиция бопсалаушылардың бірін Ақтөбе қаласында жәбірленушіден аталған соманы алу кезінде қолға түсірсе, екінші күдіктіні Хромтау қаласынан ұстаған.
Ұсталған күдіктілер кінәсін мойындады, олардан заттай айғақтар – 300 мың теңге сомасындағы ақша және материалдар (интим сипатындағы фото-бейнежазбалар) бар телефон тәркіленді.
Мақаланың түпнұсқасы: https://kaz.nur.kz/society/2100233-aqtobede-boizhetkendi-intimdi-surettermen-bopsalagan-kudiktiler-ustaldy/
