Жетісу облысында 5 ветеринарлық зертхананың қызметі тоқтатылды
Жарияланған күні:
![Зертханада зерттеу жұмыстарын жүргізіп жатқан әйел. Көрнекі сурет Зертханада зерттеу жұмыстарын жүргізіп жатқан әйел. Көрнекі сурет](https://cdn.nur.kz/images/1120x630/d4dce5b3f3ee3796.jpeg)
Жетісу облысында қажетті құрал-жабдықтармен, химиялық заттармен қамтамасыз етілмеген ветеринарлық зертханалар тиісті зертханалық зерттеулер жүргізбестен формалды сараптама актісін беріп келген. Бұл туралы KAZ.NUR.KZ облыстық прокуратураға сілтеме жасап хабарлайды.
Заңсыздық салдарынан соңғы үш жылда олар 8 мыңнан астам ветеринарлық-санитарлық сараптама актісін заңсыз берген.
"Зертханалар санитарлық талаптарын сақтамаған.
Табиғатты қорғау прокуратурасының қадағалау актісі бойынша жалпы сомасы 2,5 миллион теңгеден асатын 7 ветеринарлық зертхана әкімшілік жауапкершілікке тартылды", - делінген хабарламада.
Анықталған бұзушылықтар жойылғанша бес зертхананың қызметі уақытша тоқтатылды.
Жетісу облысының прокуратурасы мәліметінге, ветеринария саласындағы уәкілетті органның (бақылау-қадағалау) лауазымды тұлғалары тәртіптік жауапкершілікке тартылды.
Мақаланың түпнұсқасы: https://kaz.nur.kz/society/2100476-zhetisu-oblysynda-5-veterinarlyq-zerthananyng-qyzmeti-toqtatyldy/