Top.Mail.Ru

Сайт нұсқасы

ru kz

Зектілері

"Медеу" табиғи паркінің жерлері мемлекет меншігіне қайтарылды

Опубликовано:

Медеу
Медеу. Фото: NUR.KZ / Владимир Третьяков

Алматыдағы Медеу ауданының прокуратурасы "Медеу" табиғи паркінде заңсыз берілген жер телімдерін анықтады. Бұл туралы қалалық прокуратура ресми сайтында хабарлады.

Прокуратура мәліметінше, ерекше қорғалатын табиғи аумақтарды алып жатқан жерлер, жеке меншiкте бола алмайды.

"Алайда 2020 жылы табиғи парк аумағында жеке тұлғалар ауданы 35 га 10 жер учаскесіне меншік құқығын тіркеген.

Бұған Горнооктябрь ауыл әкiмшiлiгiнiң 1994-1997 жылдардағы жер учаскелерiн бөлу туралы шешiмдерiнiң бар екендігі жөнінде мұрағаттық анықтамалар негiз болды.

Мұрағаттық анықтама құқық белгілейтін құжат болып табылмайтынына қарамастан, тіркеуші орган меншік құқығын заңсыз тіркеген", - делінген хабарда.

Алматы қаласының прокуратурасы аталған анықтамаларды және жер телімдерін иеліктен шығару жөніндегі кейінгі мәмілелерді жарамсыз деп тану туралы сотқа жүгінген.

Сот шешімімен прокурордың талап-арыздары қанағаттандырылып, "Медеу" табиғи паркіне кадастрлық құны 3 млрд теңге сомасындағы жер қайтарылды.

"Сонымен қатар сотқа қатысуды қамтамасыз еткен Медеу ауданы прокуратурасының өтінішхаты бойынша меншік құқығын тіркеу кезінде жіберілген бұзушылықтар үшін сот кінәлі тұлғалардың жауаптылық мәселесін қарау жөнінде жеке ұйғарымдар шығарды", - делінген хабарда.

Мақаланың түпнұсқасы: https://kaz.nur.kz/society/2102240-medeu-tabigi-parkining-zherleri-memleket-menshigine-qaitaryldy/