Қазақстанда алдағы үш күнде ауа райы қандай болмақ

Синоптиктер Қазақстанда 21-23 мамыр аралығында ауа райы қандай болатынын айтты. Еліміздің басым бөлігінде жаңбыр жаумақ, деп хабарлайды KAZ.NUR.KZ "Қазгидромет" РМК баспасөз қызметіне сілтеме жасап.

Синоптиктердің айтуынша, еліміздің басым бөлігінде жаңбыр жауады. Атмосфералық фронттардың салдарынан найзағай ойнап, бұршақ, қысқа мерзімді жаңбыр жауады.

Сондай-ақ ел аумағының басым бөлігінде жел күшейеді. Тек батыс аймақтарда кей күндері жоғары қысымның әсерінен жаңбыр тоқтауы мүмкін және түнгі уақытта 2 градусқа дейін үсік жүруі ықтимал.

Ал оңтүстік-батыс ағындардың әсерінен күндіз ауа температурасы көтеріледі:

• батыс, оңтүстік аймақтарда +18...+28 градусқа дейін;
• солтүстік, орталық, шығыс аймақтарда ауа температурасы +15...+23 градусқа дейін.

Тек 23 мамырда еліміздің қиыр солтүстігінде ауа температурасы +7...+15 градусқа дейін төмендейді.