Алматылықтардың Android телефондарына "президенттік хабарландыру" келді (фото)

Android ОЖ негізіндегі құрылғылары бар Алматы тұрғындары "президенттік хабарландыру" алды. Ескерту жүйесінің сынақтық іске қосылуы президенттің тапсырмасымен жүзеге асырылды, деп хабарлайды KAZ.NUR.KZ.

Алматыда Қасым-Жомарт Тоқаевтың тапсырмасы бойынша Mass Alert – төтенше жағдайды жедел хабарлау жүйесі сынақтан өтті.

Бірінші кезеңде жүйе Android ОЖ негізіндегі телефон иелері үшін іске қосылды. NUR.KZ тілшісіне азаматтардың кейбіріне хабарлама тіпті үш рет келгенін хабарлады.

"Уайымдамаңыз. Халықты хабардар ету жүйесіне тексеру жүргізілуде", - делінген үш тілдегі хабарламада.

Мәтіндік ескертумен қатар дыбыстық дабылды да естуге болады – дәл сол мәтін ескерту дыбысымен бірге жеделдетілген режимде ойнатылды. Дегенмен айтылу жылдамдығы тым жоғары болғандықтан, мәтінді есту қиынға соққанын айта кеткен жөн.

Сондай-ақ екінші кезеңде iOS құрылғыларын пайдаланушылар жүйеге қосылатыны хабарланды.

Mass Alert жүйесінің SMS-пен салыстырғанда бірқатар артықшылығы бар. Хабарлама абоненттерге ұялы байланыс операторларының бүкіл желінің қамту аймағында, сондай-ақ бөлек таңдалған географиялық аймақтарда жіберіледі. Сонымен қатар жүйе желіге көп жүктеме түскен жағдайда да жұмыс істейді.

Cell Broadcast технологиясының басты артықшылығы – қамту аймағындағы барлық абонентті бірден және жаппай хабардар ету, деп хабарлады әкімдіктен.

Естеріңізге сала кетейік, бұған дейін Mass Alert жер сілкінісі кезінде хабарлау жүйесі Алматыда 1 маусымға дейін пилоттық режимде енгізілетіні хабарланған болатын.

Бұған дейін қаңтар айындағы қатты жер сілкінісінен кейін Цифрлық даму, инновациялар және аэроғарыш өнеркәсібі министрлігінің бұрынғы басшысы Бағдат Мусин Cell Broadcast технологиясын қолдана отырып, ТЖ кезінде азаматтарды жедел хабарлау жүйесін тестілеу туралы хабарлады. Бұл жүйе дәстүрлі SMS-ескертулерден ерекшеленетін жаппай ескертудің жаңа тәсілі екені атап өтілді.

Алматы әкімі Ерболат Досаев оған 475 млн теңге бөлінетінін айтты.