Абай облысында "Жасыл ел" жастар еңбек жасағы көгалдандыру жұмыстарына кірісті
Жарияланған күні:
![Аумақты тазалау Аумақты тазалау](https://cdn.nur.kz/images/1120x630/13674be134d84767.jpeg)
Мемлекет басшысы Қасым-Жомарт Тоқаев сәуір айында көшелерді тазарту, елді мекендердің аумақтарын көгалдандыру және абаттандыру жөніндегі науқанды бастауды тапсырды. Қазіргі уақытта елімізде тазалық мәдениетін арттыру үшін "Таза Қазақстан" ауқымды экологиялық акциясы өтіп жатыр.
Экологиялық акцияға Абай облысының "Жасыл ел" еңбек жасағының жастары де өз үлесін қосып жатыр. Бүгіннен бастап "Жасыл ел" еңбек жасағы облыстың 8 қаласы мен ауданында жұмыс істей бастады.
![Аумақты тазалау Аумақты тазалау](https://cdn.nur.kz/images/1120/8c34a5283601a707.jpeg)
Жұмыстың бірінші күні "Жасыл ел" еңбек жасағының жастары техникалық қауіпсіздік ережелерімен танысып, алдағы жұмыс барысы туралы білді.
"Жасыл ел" жобасының үйлестірушісі Әнуар Жазитов атап өткендей, облыс жастары өңірді көгалдандыруға атсалысуға дайын.
"Биыл "Жасыл ел" жиырмасыншы маусымын бастады. Өткен жылдардағыдай да жастар адал еңбек етуге ынталы. Бәріміз бірге өз аумағымызды таза әрі әдемі ете аламыз", - деді Әнуар Жазитов.
![Аумақты тазалау Аумақты тазалау](https://cdn.nur.kz/images/1120/9d16eae3d69cb570.jpeg)
Жастардың бос уақытын тиімді пайдалану мақсатында ұйымдастырылған мемлекеттік жоба жастар үшін жақсы қолдау. Естеріңізге сала кетейік, бұған дейін Бородулиха ауданында "Жасыл ел" жобасының кезекті маусымының салтанатты ашылуы өткен болатын. Абай облысы бойынша еңбек жасақтарына 1000-ға жуық жас жұмыс істейтін болады.
Мақаланың түпнұсқасы: https://kaz.nur.kz/society/2111544-abai-oblysynda-zhasyl-el-zhastar-engbek-zhasagy-kogaldandyru-zhumystaryna-kiristi/