Астанадағы орталық көшелердің бір бөлігі бірнеше күнге толығымен жабылады
Жарияланған күні:
![Елорда Елорда](https://cdn.nur.kz/images/1120x630/05e441c224c9c79d.jpeg)
Астанада жол жөндеу жұмыстары жалғасып жатыр. Елордалықтарға Сарайшық көшесінің "Бәйтерек" монументі жанындағы бөлігі толығымен жабылатыны ескертілді, деп хабарлайды Астана әкімдігіне сілтеме жасаған KAZ.NUR.KZ.
Әкімдік мәліметінше, елордалық көлік және жол-көлік инфрақұрылымын дамыту басқармасы осы жылғы 7 маусымы сағат 21:00-ден 11 маусымы сағат 06: 00-ге дейін Түркістан көшесінен Тұран даңғылына дейінгі учаскеде Сарайшық көшесі бойынша жол жөндеу жұмыстарын жүргізеді.
Жөндеу кезінде Сарайшық – Тұран қиылысы ашық, ал Сарайшық – Түркістан қиылысы жабық болады.
Әкімдік өкілдері елорда тұрғындары мен қонақтарынан қала жолдарындағы кептелістерді болдырмау мақсатында бағытты алдын ала жоспарлау керек екенін ескертті.
Мақаланың түпнұсқасы: https://kaz.nur.kz/society/2112366-astanadagy-ortalyq-koshelerding-bir-boligi-birneshe-kunge-tolygymen-zhabylady/