Қазақстанда имамдарға әлеуметтік желіде белсенді болуға тыйым салына ма: министрлік жауабы
Жарияланған күні:
![Әлеуметтік желілер Әлеуметтік желілер](https://cdn.nur.kz/images/1120x630/6e6d3e2d3e532de4.jpeg)
Сенат кулуарында мәдениет және ақпарат министрінің орынбасары Қанат Ысқақовқа Өзбекстан тәжірибесіне сүйене отырып, Қазақстанда имамдарға әлеуметтік желіде парақша жүргізуге тыйым салына ма деген сұрақ қойылды. Бұл туралы KAZ.NUR.KZ тілшісі хабарлайды.
"Әрине, көрші елдің бұл тәжірибесін білеміз, бірақ мен әлеуметтік желілер өз азаматтарымызбен байланысу құралы деп есептеймін. Сондықтан әлі де басқа нұсқаларды ойлап жатырмыз.
Әлеуметтік желілерде белсенді болуға тыйым салу дегенде келетін болсақ, біз бұл мәселені қарастырып жатқан жоқпыз", - деді вице-министр Қанат Ысқақов.
Айта кетейік, Өзбекстан мұсылмандары діни басқармасы имамдар мен олардың орынбасарларына әлеуметтік желілердегі парақшаларда пікір білдіруге, жазбаларға лайк басуға тыйым салған болатын. Бұған "кейбір имамдардың әлеуметтік желідегі түсініксіз мәлімдемелері" себеп болғаны хабарланды.
Мақаланың түпнұсқасы: https://kaz.nur.kz/society/2113305-qazaqstanda-imamdarga-aleumettik-zhelide-belsendi-boluga-tyiym-salyna-ma-ministrliktegiler-zhauap-berdi/