Астанада Құрбан айтта құрбандық шалу орындары бекітілді
Жарияланған күні:
![жаңа мешіт жаңа мешіт](https://cdn.nur.kz/images/1120x630/c0040e3d65ef4ea2.jpeg)
Құрбан айт мерекесі қарсаңында елордалық базарларда құрбандық шалу орындарында санитарлық нормалардың сақталуын тексерілді. Бұл туралы KAZ.NUR.KZ Астана әкімдігінің ресми сайтына сілтеме жасап хабарлайды.
Биыл 17-19 маусым аралығында өтетін қасиетті Құрбан айт мерекесін атап өтуге байланысты Астана әкімдігі құрбандық шалу орындарын белгіледі:
- "Шанхай" базары
- "Баракат" базары (А-369 көшесі, 10)
- "Жайлау" базары (С-754 көшесі, ғимарат 1)
- "Шолпан-ата" базары ("Алаш" тас жолы, 27/2)
- Темір жол ЖМ (Ақжар көшесі, 20).
Әкімдіктегілер ауыл шаруашылығы жануарларының иелері, сою орындарының сатушылары мен иелерінен Ауыл шаруашылығы министрлігінің 2015 жылғы 27 сәуірдегі № 7-1/370 бұйрығымен бекітілген ветеринариялық-санитариялық талаптарды сақтауды сұрайды.
Мәселен ауыл шаруашылығы жануарларын сою ережеге сәйкес берілетін есепке алу нөмірлері бар сою пункттерінде, ет өңдеу кәсіпорындарында немесе сою алаңдарында жүргізілуге тиіс.
"Бүгін біз ветеринариялық-санитариялық талаптардың сақталуын талқылау үшін сою нысандарының иелерімен кездесу өткіздік. 2 санаттағы рұқсат құжаттары жоқ жерлерде жануарларды союға тыйым салынады", - деп атап өтті мемлекеттік ветеринариялық-санитариялық инспектор, бас маман Мелис Қайнулдаев.
Айта кетейік, биыл Құрбан айт мерекесі 17 маусым, дүйсенбіде басталады.
Мақаланың түпнұсқасы: https://kaz.nur.kz/society/2113503-astanada-qurban-aitta-qurbandyq-shalu-oryndary-bekitildi/