Еліміздің бірқатар өңірінде аптап ыстық болатыны болжанды

"Қазгидромет" РМК 7 маусымға арналған ауа райы болжамын жариялады. Синоптиктердің болжамына сәйкес, еліміздің бірқатар өңірінде аптап ыстық, найзағай және шаңды дауыл күтіледі, деп хабарлайды KAZ.NUR.KZ.

Астанада 7 маусым күні таңертең және күндіз найзағай ойнайды. Оңтүстік-батыстан жел соғады, күндіз екпіні 15-20 м/с.

7 маусымда күндіз Маңғыстау облысының оңтүстігінде, орталығында шаңды дауыл тұрады. Батыстан, солтүстік-батыстан жел соғады, күндіз облыстың оңтүстігінде, орталығында жылдамдығы 15-20 м/с болады. Күндіз облыстың басым бөлігінде 40 градус ыстық болады. Облыс бойынша өрт қаупі сақталады.

Ұлытау облысының солтүстігінде қатты жаңбыр жауып, найзағай ойнайды. Оңтүстік-батыстан, батыстан жел соғады, күндіз облыстың солтүстігінде, батысында, орталығында екпіні 15-20 м/с. Облыстың батысында, оңтүстігінде, орталығында жоғары өрт қаупі сақталады.

7 маусымда күндіз Қарағанды облысында кей уақытта қатты жаңбыр жауады. Түнде облыстың батысында, күндіз кей уақытта найзағай ойнайды. Оңтүстік-батыстан, батыстан жел соғады, күндіз екпіні 15-20 м/с. Облыстың оңтүстігінде жоғары өрт қаупі сақталады.

7 маусымда күндіз және түнде Ақтөбе облысының солтүстігінде, шығысында найзағай ойнайды. Оңтүстік-батыстан жел соғады, күндіз облыстың солтүстігінде, шығысында, батысында екпіні 15-20 м/с. Күндіз облыс бойынша 35-38 градус ыстық болады. Облыстың солтүстігінде, батысында, оңтүстігінде жоғары өрт қаупі сақталады.

Атырау облысының солтүстігінде, орталығында найзағай күтілуде. Оңтүстік-батыстан жел соғады, найзағай кезінде екпіні 15-20 м/с. Күндіз облыста 37 градус қатты ыстық болады. Облыс бойынша жоғары өрт қаупі сақталады. Облыстың батысында, оңтүстігінде, солтүстігінде төтенше өрт қаупі сақталады.

7 маусымда Қостанай облысының батысында, солтүстігінде, шығысында найзағай ойнайды. Күндіз облыстың солтүстігінде, шығысында бұршақ жауып, дауыл тұрады. Батыстан жел соғады, күндіз облыстың солтүстігінде, шығысында, оңтүстігінде 15-20, екпіні 23 м/с. Облыстың оңтүстігінде жоғары өрт қаупі сақталады.

Ақмола облысының батысында, солтүстігінде жаңбыр жауады. Облыстың батысында, солтүстігінде, оңтүстігінде найзағай ойнап, күндіз бұршақ жауады, дауыл тұрады. Оңтүстік-батыстан жел соғады, облыстың батысында, солтүстігінде, шығысында 15-20, күндіз екпіні 23 м/с болады.

Батыс Қазақстан облысының солтүстігінде, шығысында найзағай ойнайды. Жел оңтүстік-батыстан, батыстан соғады, күндіз облыстың оңтүстігінде, орталығында екпіні 15-20 м/с. Күндіз облыстың оңтүстігінде 37 градус ыстық болады. Облыстың солтүстігінде, шығысында жоғары өрт қаупі, облыстың батысында, оңтүстігінде төтенше өрт қаупі сақталады.

Абай облысының батысында, солтүстігінде, орталығында найзағай ойнайды. Оңтүстік-шығыстан соғатын жел оңтүстік-батысқа ауысады, күндіз облыстың батысында, солтүстігінде, орталығында 15-20, екпіні 23 м/с болады. Облыстың оңтүстігінде жоғары өрт қаупі сақталады.

7 маусымда Қызылорда облысында жел солтүстік-батыстан, батыстан соғады, күндіз облыстың солтүстігінде күші 15-20 м/с. Күндіз облыс бойынша 40 градус қатты ыстық күтіледі. Облыстың басым бөлігінде жоғары өрт қаупі, облыстың шығысында төтенше өрт қауіпі сақталады.

Шығыс Қазақстан облысының батысында, солтүстігінде, шығысында найзағай ойнайды. Оңтүстік-шығыстан соғатын жел оңтүстік-батысқа ауысады, күндіз облыстың батысында, солтүстігінде, шығысында 15-20, екпіні 23 м/с болады.

7 маусымда күндіз Солтүстік Қазақстан облысының солтүстік-шығысында қатты жаңбыр жауады. Облыстың солтүстігінде, шығысында, оңтүстігінде найзағай ойнап, күндіз бұршақ жауып, дауыл тұрады. Оңтүстік-батыстан, батыстан жел соғады, түнде облыстың шығысында, оңтүстігінде екпіні 15-20 м/с, күндіз күші 15-20, облыстың солтүстігінде, шығысында, оңтүстігінде екпіні 23 м/с болады деп күтілуде.

Түркістан облысының таулы аудандарында найзағай ойнап, солтүстігінде шаңды дауыл тұрады. Оңтүстік-батыстан солтүстік-батысқа ауысып жел соғады, күндіз облыстың солтүстігінде, таулы аудандарында 15- 20 м/с.

7 маусымда Павлодар облысының батысында, солтүстігінде, шығысында найзағай ойнайды. Оңтүстік-батыстан жел соғады, күндіз облыстың батысында, оңтүстігінде, шығысында екпіні 15-20 м/с болады.

5-7 маусымда Алматы облысының солтүстігінде, орталығында жоғары өрт қаупы күтіледі.

Мәтіннен қате тапсаңыз, бізге жазыңыз