Вайнер Мейіржан Төребаев колонияға қайтарылды

Қаржы пирамидасы ісі бойынша 5 жылға бас бостандығынан айырылған вайнер Мейіржан Төребаев Павлодардағы колонияға оралды, деп хабарлайды өңірлік ҚАЖД-ға сілтеме жасаған KAZ.NUR.KZ.

"27 мамырда ол түрмеге оралды және қазір мекемеде жазасын өтеп жатыр", - деп хабарлады Павлодар облыстық ҚАЖД.

Еске салайық, 2022 жылдың ақпан айында блогер Мейіржан Төребаев пен актер Мейірхан Шерниязов Mudarabah Capital қаржы пирамидасын құрды деген күдікке ілінген болатын.

Бірінші сот отырысы 2022 жылдың желтоқсанында өтті. Шерниязовтың адвокаты қорғауындағы азаматтың өзі бұл іс бойынша жәбірленуші екенін, себебі ол 36 миллион теңге қосқанын, кейін жәбірленушілер қатарынан шығарылғанын айтты.

Сот барысында Мейіржан Төребаев тергеу изоляторынан босатылып, үйқамаққа алынды.

2023 жылдың 23 маусымында сот өз үкімін шығарды. Вайнерлер ең төменгі қауіпсіздік мекемесінде 5 жылға бас бостандығынан айырылды. Апелляциялық сот алқасы бірінші сатыдағы соттың үкімін өзгеріссіз қалдырды.

Осы жылдың мамыр айында Мейіржан Төребаевтың әйелі Дана Есеева күйеуі үйге келгенін айтқан еді. Облыстық полиция департаменті вайнерге анасының сырқатына байланысты қысқа мерзімді демалыс берілгенін хабарлады.

Екі сотталушы да жазасын Павлодар қаласындағы №44 мекемеде өтеп жатыр. Олар 2024 жылдың 13 наурызынан бастап "Еңбек-Павлодар" РМК филиалына жұмысқа орналасқан.