"Таза Қазақстан" акциясы: ақтөбеліктер сенбілікке шықты
Жарияланған күні:
![Сенбілікте қураған шөптерді жинап жатқан жастар Сенбілікте қураған шөптерді жинап жатқан жастар](https://cdn.nur.kz/images/1120x630/e7041f4fc40d6217.jpeg)
Ақтөбе облысында "Таза Қазақстан" республикалық экологиялық акциясы аясында жалпықалалық сенбілік ұйымдастырылды.
Шара облыстың бүкіл ауданында және қаланың Орталық саябағындағы Тутұғыр аумағында, "Ғашықтар" аллеясында, Триатлон саябағының аумағында және т.б орындарда өтті.
![Асхат Шахаров және сенбілікке қатысушылар Асхат Шахаров және сенбілікке қатысушылар](https://cdn.nur.kz/images/1120/a2ab727b53d04408.jpeg)
Сенбілікке өңір басшысы Асхат Шахаровпен бірге қала әкімі Азамат Бекет, облыстық және қалалық мәслихаттардың депутаттары, мемлекеттік мекемелердің қызметкерлері, еңбек ұжымдарының өкілдері, "Жасыл ел" еңбек жасақтары атсалысты.
![Сенбілікке қатысушылар көлікке ағаш тиіп жатыр Сенбілікке қатысушылар көлікке ағаш тиіп жатыр](https://cdn.nur.kz/images/1120/615544a2def4a852.jpeg)
Асхат Шахаров жасылелдік сарбаздармен әңгімелесу барысында табиғатты аялау маңызды екенін, бұл жұмыстарға жастардың қосар үлесі зор екенін атап өтті. 70-тен аса жас "Ғашықтар аллеясындағы" тротуарларды сыпырып, қураған шөптерді жинады.
![Ақтөбедегі сенбілікке шыққан жастар көшедегі қоқысты жинап жатыр Ақтөбедегі сенбілікке шыққан жастар көшедегі қоқысты жинап жатыр](https://cdn.nur.kz/images/1120/0d8fe21bbacf077a.jpeg)
Сонымен қатар облыс әкімі Триатлон саябағы аумағын қоқыстан тазартқан бір топ белсендінің қатарына қосылды. Жасыл желектер өсіп тұрған аумақ арамшөптерге, құрғақ шөптерге толып қалған. Бұл орынды 100-ге жуық адам тазалады.
![Сенбілікке қатысушылар қураған шөпті қаптарға салып жатыр Сенбілікке қатысушылар қураған шөпті қаптарға салып жатыр](https://cdn.nur.kz/images/1120/8e1ba85a74000fd1.jpeg)
Бүгінгі "Таза Қазақстан" республикалық экологиялық акциясы аясында ұйымдастырылған жалпықалалық сенбілікте 120 тоннадан аса қоқыс жиналды. Оның бәрін қалалық полигон тегін қабылдайды.
![Сенбілік жасап жатқан ақтөбеліктер Сенбілік жасап жатқан ақтөбеліктер](https://cdn.nur.kz/images/1120/a82a896a44f0b5d4.jpeg)
Мақаланың түпнұсқасы: https://kaz.nur.kz/society/2114349-taza-qazaqstan-aktsiiasy-aqtobelikter-senbilikke-shyqty/