Астанада жөндеу жұмыстарына байланысты тағы бір жол учаскесі уақытша жабылады
Жарияланған күні:
![Жол жөндеу жұмыстары Жол жөндеу жұмыстары](https://cdn.nur.kz/images/1120x630/75f1028180d41fb0.jpeg)
Астанада жөндеу жұмыстарына байланысты Сарыарқа - Кенесары қиылысы уақытша жабылады, деп хабарлайды қала әкімдігінің ресми сайты.
Ведомство сайтындағы мәліметке сүйенсек, Көлік және жол-көлік инфрақұрылымын дамыту басқармасы Сарыарқа даңғылын орташа жөндеу шеңберінде Сарыарқа даңғылы мен Кенесары көшесінің қиылысында жұмыстар жүргізеді.
"Осыған байланысты үстіміздегі жылдың 8 маусымы сағат 20:00-ден 9 маусым сағат 22:00-ге дейін жоғарыда аталған учаске толығымен жабылады", - делінген хабарламада.
Әкімдік қала тұрғындары мен қонақтарынан жолдағы кептелістерді болдырмау мақсатында өз маршруттарын алдын ала жоспарлауды және жол-құрылыс жұмыстарын жүргізуге түсіністікпен қарауды сұрады.
Мақаланың түпнұсқасы: https://kaz.nur.kz/society/2114424-astanada-zhondeu-zhumystaryna-bailanysty-tagy-bir-zhol-uchaskesi-uaqytsha-zhabylady/