Алматы маңында тойға келген қонақтар әуеге оқ атқан (видео)
Жарияланған күні:
![Ер адамдар аспанға оқ атқалы дайындалып тұр Ер адамдар аспанға оқ атқалы дайындалып тұр](https://cdn.nur.kz/images/1120x630/94fa97b28ff82c65.jpeg)
Талғар ауданында тойға келген қонақтар атыс қаруынан көшеде әуеге оқ атқан. Полицейлер видеоға назар аударып, пікір білдірді, деп хабарлайды KAZ.NUR.KZ облыстық полиция департаментіне сілтеме жасап.
Telegram-дағы EGOV.PRESS арнасында жарияланған кадрларда тойға көп адам келгенін байқауға болады. Бұл жайт Алматы облысы Талғар ауданындағы жеке үйлердің бірінің жанында болған.
Той кезінде көшеде тұрған бірнеше ер адам әуеге оқ атқаны видеоға түсіп қалған.
Видеоға облыстық полиция департаменті өкілдері түсінік берді.
"Құқықбұзушыларды анықтау бойынша қажетті шаралар қабылданып жатыр. Олар қолданыстағы заңнамаға сәйкес жауапкершілікке тартылады", - делінген хабарламада.
Мақаланың түпнұсқасы: https://kaz.nur.kz/society/2114946-almaty-mangynda-toiga-kelgen-qonaqtar-aspanga-oq-atqan-video/