Бектенов жергілікті билік органдарының жұмысындағы салғырттық пен баяу қимылды сынға алды

Үкімет отырысында министрлер кабинетінің басшысы Олжас Бектенов су тасқынынан зардап шеккендерге арналып салынып жатқан баспана құрылысының қарқынын сынға алды. Бұл туралы үкіметке сілтеме жасаған KAZ.NUR.KZ хабарлайды.

Ведомствоның Telegram-дағы ресми арнасында жарияланған ақпарат бойынша, премьер-министр үкімет отырысында өткен аптада Солтүстік Қазақстан облысында болған жөндеу және құрылыс жұмыстарының барысын жақсы деп бағалады.

Бұл ретте үкімет басшысы басқа өңірлер әлі қажетті қарқынды ала-алмай отырғанын атап өтті.

"Мен өткен аптада Солтүстік Қазақстан облысына бардым. Жөндеу және құрылыс жұмыстарының қарқыны жақсы. Басқа өңірлер әлі қажетті қарқынды ала-алмай отыр. Тағы да еске саламын – жаз мезгілі қысқа, бәрін белгіленген мерзімде, әрі сапалы етіп жасауға біраз уақыт талап етіледі. Өкінішке қарай, жергілікті билік органдарының жұмысында салғырттық, шешім қабылдауда баяулық, ұйымдастыру ісінде әлсіздік байқалады. Әсіресе Батыс Қазақстан және Атырау облыстарының белсенділігін арттыру қажет. Мерзімдерді мүлдем бұзуға болмайды.

Сондай-ақ көптеген өңірде су тасқынымен күресу үшін құм мен саздан үйінділер жасалды, топырақ салынған қаптар пайдаланылды. Ендігі кезекте әкімдіктер бәрін өркениетті түрге келтіру керек. Экологияға зиян келтірмес үшін барлық қапшықтарды алып тастап, кәдеге жарату қажет", — деп атап өтті Олжас Бектенов.