"Әдемі әрі қорқынышты": Алматыда Көктөбе телемұнарасын найзағай соқты (видео)

Әлеуметтік желіде Көктөбе телемұнарасына найзағай түскен сәттің видеосы пайда болды. Бұл туралы KAZ.NUR.KZ хабарлайды.

Бүгін таңертең алматылықтардың басым бөлігі қатты дыбыстан үрейленді: қала тұрғындары мұндай күн күркіреуді естімегелі көп болғанын айтады.

Фотограф Александр Шаварев Көктөбедегі телемұнараны найзағай соққан сәтті видеоға түсіріп үлгерді – ол видеоны Instagram-дағы парақшасында жариялады.

"Көктөбе телемұнарасына найзағай түсті, 13.06.2024", - деп жазды ол видеоның сипаттамасында.

Фотографтың тіркелушілері видеоға пікір білдірген.

"Әдемі әрі қорқынышты", "Аспанның қаһары", "Біз найзағайдан электр қуатын жинаудың амалын табуымыз керек", - деп жазды пікір білдірушілер.