"Егер ол Қаңтар оқиғасын кім ұйымдастырғанын айтса": депутат Мәсімовтің рақымшылық сұрағанына қатысты пікірін айтты

Парламент отырысынан кейін журналистер сауалына жауап берген депутат Ермұрат Бапи Кәрім Мәсімовтің президенттен рақымшылық сұрағанына қатысты пікірін айтты. Бұл туралы KAZ.NUR.KZ тілшісі хабарлайды.

"Менің ойымша, мұны жан-жақты қарау керек. Ол қоғам алдында, билік алдында, сот органдарында осы қаңтардағы оқиғаның бүкіл тізбегін баяндауға ниет білдірсе, оған мейіріммен қарауға болатын шығар. Мәсімовтің өзі ұйымдастырған жоқ деп ойлаймын.

Сондықтан, егер ол мұны қоғамға мәлімдесе, Қауіпсіздік кеңесінің сол кездегі төрағасы Нұрсұлтан Назарбаевтың бұйрығын орындауға мәжбүр болса, оған жұмсақтық танытуға болады", - деді депутат.

Депутаттың ойынша, халыққа Мәсімовтің түрмеде отырғанынан шетке шыққан қаржының қайда жатқанын айтып беріп, елге қайтарып, қазақстандықтардың әл-ауқатын көтеру маңыздырақ.

"Ол өзі: "мен барлық транзакциялардың қай жерде, қанша екенін ашып, оның халықтың ақшасы, Қазақстанның ақшасы екенін дәлелдесем, маған еркіндік бер" десе, онда оған кешірім беру керек деп ойлаймын. Толық кешірмесе де, белгілі бір дәрежеде кешірім беру керек. Ол түрмеде отырғаннан гөрі, шығарылған активтер туралы ақпаратты білу маңызды. Оның қамауда болуынан халық үшін ешқандай пайда жоқ, ал егер миллиардтаған қаражат қайтып оралса, бюджет тапшылығына, халық үшін әлдеқайда маңызды болады", - деп қосты Бапи.

Сондай-ақ депутат Ермұрат Бәпи Кәрім Мәсімовтің премьер-министр кезінде Қазақстанның экс-президентінің сенімді адамы болғаны мәселенің екінші қыры екенін атап өтті.

"Ол Назарбаевтың жеке тапсырмаларын орындап қана қоймай, оның жеке бизнесімен де айналысты. Ол оның активтерін әйгілі Қазақгейттен кейін Еуропадан шығарды, ескі Қазақстанның активтерін Оңтүстік-Шығыс Азияда, Қытайда, Шанхайда, Гонконг биржаларында, Әмірліктерде орналастырды", - деді депутат.

Айта кетейік, бұған дейін Ұлттық қауіпсіздік комитетінің бұрынғы басшысы Кәрім Мәсімов осы жылдың наурызында президенттен кешірім сұрағаны белгілі болды.

Еске салайық, 6 қаңтарда Кәрім Мәсімов ҰҚК басшысы қызметінен босатылып, кейін ол мемлекетке опасыздық жасады деген күдікпен ұсталғаны белгілі болды. Ал 24 сәуірде Астана сотында Кәрім Мәсімовке қатысты сот үкімі шыққанын хабарлаған едік. Ол 18 жылға сотталды. Сотта Мәсімов пен оның орынбасары Садықұловқа мемлекетке опасыздық жасау (175-баптың 1-бөлігі), билікті күшпен басып алу (179-баптың 3-бөлігі) және билік пен лауазымдық өкілеттігін (ҚК-тің 362-бабының 4-бөлігінің 3-тармағы) асыра пайдалану бойынша кінәлі деп танылған болатын.