"Жаңбыр, бұршақ": алдағы күндері елімізде қандай ауа райы болады

Синоптиктер алдағы үш күнде елімізде қандай ауа райы болатынын болжады. Елдің батысындағы аптап ыстық төмендейді. Бұл туралы KAZ.NUR.KZ "Қазгидромет" РМК-ға сілтеме жасап хабарлайды.

Метеорологтардың мәліметінше, атмосфералық фронттардың өтуіне байланысты алдағы күндері Қазақстанның басым бөлігінде құбылмалы ауа райы сақталады.

Атап айтқанда, бірқатар өңірде жаңбыр, найзағай және екпінді жел күтіледі.

Синоптиктер солтүстікте, шығыста, оңтүстік-шығыста, орталықта бұршақ жауады деп болжады.

18 маусымда шығыста, орталықта, 19 маусымда оңтүстік-шығыста қатты жаңбыр жаууы ықтимал.

Тек оңтүстікте және 19-20 маусымда орталықта ауа-райы негізінен жауын-шашынсыз болады деп күтілуде.

Күндізгі температура еліміздің батысында ауа температурасы +28 + 40°С-қа дейін төмендейді, еліміздің солтүстігінде +20+28°С-тан +25+31°С-қа дейін жоғарылайды.

Ал орталықта +20+33°С, оңтүстікте +30+41°С, оңтүстік-шығыста +24 + 35°С-тан +22+32°С-қа дейін аздап төмендейді, ал шығыста +12+28°С-қа дейін төмендеуі болжанады.