Астана мен Алматы арасындағы тасжол құрылысы қашан аяқталады: "ҚазАвтоЖол" жауабы (фото)

"Астана – Алматы" ең ірі жол салу жобасы қашан аяқталатыны белгілі болды. Бұл туралы "ҚазАвтоЖол" ҰК" АҚ баспасөз қызметіне сілтеме жасаған KAZ.NUR.KZ хабарлайды.

"ҚазАвтоЖол" АҚ-ның Telegram-дағы ресми арнасында жарияланған ақпаратқа сәйкес, 2024 жылдың соңына дейін Астана мен Алматы арасындағы жол құрылысы аяқталмақ.

"Мемлекет басшысының "Орталық-Оңтүстік" дәлізін реконструкциялау жөніндегі тапсырмасын орындау мақсатында төрт негізгі учаскені: "Қарағанды – Балқаш" (363 шақырым), "Балқаш – Бурылбайтал" (288 шақырым), "Бурылбайтал – Күрті" (228 шақырым) және Шамалған станциясындағы айналма жол құрылысын қоса алғанда жалпы ұзындығы 885 шақырым жолды жаңарту жұмыстары жүргізіліп жатыр.

2019 жылдан бастап бұл учаскелерде көлік қозғалысының қауіпсіздігін сақтау мақсатында тосқауыл қоршауын пайдалана отырып оны бөліп, төрт жолақты жол қозғалысын қамтамасыз ету үшін I-б техникалық санатына дейін модернизациялау жұмыстары жүргізіліп жатыр. Қазіргі таңда автожолдың 833 шақырымына жаңа асфальт төселді", - делінген компания хабарламасында.

Сондай-ақ "ҚазАвтоЖол" баспасөз қызметінің мәліметіне сүйенсек, автожолдың Астанадан Қарағандыға дейінгі 182 шақырым бөлігінде I-б техникалық санаттағы төрт жолақты тас жолы орнатылып, жол қозғалысының қауіпсіздігі қамтамасыз етілген.

"Орталық-Оңтүстік" жол дәлізі бойында 42 демалыс орны мен 23 қызмет көрсету станциясын салу жоспарланған.

"Орталық-Оңтүстік" жол бөлігінде заманауи санитариялық-гигиеналық қондырғылар, сауда орындары мен электрмобильдерді қуаттандыру бекеттері орнатылды. Сонымен қатар жол қозғалысына қатысушыларға қарға қарсы тосқауылдар, көлікте жолдың көрінуін шектейтін факторларға қарсы экрандар мен тор шлагбаумдар орнатылды. Ол қауіпсіздікті қамтамасыз етіп, жол-көлік оқиғаларының алдын алуға арналған", - делінген хабарламада.

Компания баспасөз қызметінің дерегінше, 2024 жылдың соңына жоспарланған "Астана-Алматы" тас жолын салу жұмыстары аяқталғаннан кейін, толық жол бойында жаңа төсем орнатылады.