Бөлме ақшаға толы: Антикорда Ақтөбе облысында шенеунік ірі көлемде пара алғаны көрсетілді (видео)

Бүгінгі өткен брифингінде Антикордың ресми өкілі Данияр Биғайдаров Шалқар ауданындағы білім бөлімінің басшысының ондаған млн теңге сомасында пара алғаны түсірілген кадрларды көрсетті. Бұл туралы KAZ.NUR.KZ тілшісі хабарлайды.

Видеода көрсетілгендей, "Антикор" қызметкерлері пара деп есептелген бірнеше миллион теңгені қолмен санауға мәжбүр болған. Кадрларда ақшаны алдымен үстелге жайғастырып, кейін жерге де қойғаны көрсетілген. Бөлменің іші ақшаға толған.

Антикор хабары бойынша, видео Ақтөбе облысында Шалқар аудандық білім басқармасының басшысына қатысты тергеліп жатқан қылмыстық іске қатысты.

"Ол аудандық жалпы білім беретін орта мектептің директоры арқылы қызмет бойынша жалпы қамқорлығы үшін ведомстволық бағынысты ұйымдардың басшыларынан жалпы сомасы 18,5 млн теңге пара алды деп күдікке ілінді.

Соттың санкциясымен білім бөлімінің басшысы мен аудандық мектеп директоры қамауға алынды.", - деді "Антикор" өкілі Данияр Биғайдаров.