"Эвакуация жүргізіліп жатыр": Астанада көпқабатты ғимараттағы өртті 70-тен астам адам сөндіріп жатыр (фото, видео)

Бүгін, 22 маусымда Астанада орталығындағы көпқабатты ғимаратта өрт шығып, 8 адам эвакуацияланды. Бұл туралы KAZ.NUR.KZ ТЖМ-ге сілтеме жасап хабарлайды.

ТЖМ мәліметінше, ғимараттың сыртқы қаптамасы жанып жатыр. Оқиға орнында өрт сөндірушілер 3 ранг бойынша жұмыс істеп жатыр.

"16 бірлік техника мен 72 адам жұмылдырылған.

Ғимарат әкімшілік және жартылай тұрғын үй. Оқиға орнында штаб құрылды. Эвакуациялау жүргізілуде", - делінген хабарламада.

ТЖМ құтқарушылары 8 адамды, оның ішінде 1 баланы эвакуациялады.

Ведомство өкілдері әзірге зардап шеккендер туралы ақпарат түспегенін мәлімдеді.