Top.Mail.Ru

Сайт нұсқасы

ru kz

Зектілері

Жұмыстан босатылады: Қазақстанда шенеуніктер мен әскерилерге бәс тігуге тыйым салатын заң мақұлданды

Опубликовано:

ойын
Көрнекі фото: pixabay.com

Сенат депутаттары шенеуніктерге бәс тігуге тыйым салатын заңды екінші оқылымда мақұлдады. Бұл құжатты мемлекет басшысына қол қоюға жіберді, деп хабарлайды KAZ.NUR.KZ тілшісі.

Депутаттар мақұлдаған заңдарға енгізілген түзетулер құмар ойындар мен лотерея қызметіне қатысты.

"Иә, бұл норма (лауазымды тұлғаларға құмар ойындар ойнауға тыйым салу туралы – ред.ескертпесі) енгізілді – бұл қоғам белсендісі, "Әділдік жолы"қоғамдық ұйымының төрағасы Дидар Смағұлов бастамашы болған петицияға толығымен сәйкес келеді.

Аз уақыттың ішінде бұл петицияны біздің Туризм және спорт министрлігі қарады. Жұмыс тобының барлық мүшелері бірауыздан оны толық қанағаттандыру туралы шешім қабылдады", - деді вице-министр Мирас Төлебаев.

Спикердің айтуынша, егер мемлекеттік қызметкер немесе әскери қызметші тыйымды бұзып, бәс тігу немесе басқа да ойындар мекемесіне барса, қызметінен шеттетіледі. Бұл жағдайда айыппұл қарастырылмаған.

Мұндай мемлекеттік қызметшілерді кейін жұмысқа қайта алуға бола ма деген сұраққа вице-министр әрбір жағдайды тәртіптік комиссиялар жеке қарайтынын айтты.

"Хабардар бол!" - NUR.KZ ұсынған жаңалықтар топтамасы

Редакция ең өзекті мақалаларды бір жерге топтастырып, назарға ұсынады. Әлемде және елде болып жатқан аптаның ең маңызды оқиғаларынан әрдайым хабардар болып отырыңыз.

* міндетті түрде толтырылуы керек жол

Мақаланың түпнұсқасы: https://kaz.nur.kz/society/2125104-zhumystan-bosatylady-qazaqstanda-sheneunikter-men-askerilerge-bas-tiguge-tyiym-salatyn-zang-bekitildi/