"Бөлек қылмыстық іс жүргізіліп жатыр": Астана соты БАӘ-дегі Қазақстан елшісінің экс-кеңесшісіне қатысты мәлімдеме жасады
Жарияланған күні:
Астана соты БАӘ-дегі Қазақстанның елшісінің бұрынғы кеңесшісіне қатысты қосымша мәлімдеме жасады. Бұл туралы KAZ.NUR.KZ Астана соттарына сілтеме жасап хабарлайды.
"Астана қалалық сотының баспасөз қызметі ақпарат сәл дұрыс емес берілгенін хабарлайды.
Материал М.-ның жұбайына емес, әпкесінің денсаулығына қасақана жеңіл зиян келтіру фактісі бойынша қаралған.
Қосымша ақпаратқа сәйкес, бөлек қылмыстық іс жұбайының өтініші бойынша жүргізіліп жатқанын тағы да хабарлаймыз", - делінген хабарда.
Айта кетейік, бұған дейін Қазақстанның БАӘ-дегі елшісінің экс-кеңесшісі Сәкен Мамаш әйелін ұрғаны үшін 15 тәулікке қамалғаны белгілі болған еді.
Мақаланың түпнұсқасы: https://kaz.nur.kz/society/2125971-bolek-qylmystyq-is-zhurgizilip-zhatyr-astana-soty-baa-degi-qazaqstannyng-elshisining-buryngy-kengesshisine-qatysty-malimdeme-zhasady/
