Астанада жаңа автобус бағыты ашылды

Бүгін, 30 маусымнан бастап Астанада жаңа №58 автобус бағыты ашылды. 15 жаңа автобус желіге шықты, деп хабарлайды City Transportation Systems компаниясына сілтеме жасаған KAZ.NUR.KZ.

30 маусымда "Агроқалашық" ТА – Хусейн бен Талал көшесі қатынасымен жаңа № 58 бағыт іске қосылды.

Бұл бағытта 15 автобус қызмет көрсетеді, қатынау аралығы 9-20 минут болады.

Автобус бағыты ҚР Ұлттық мұражайы, Әл-Фараби атындағы оқушылар сарайы, "Әзірет Сұлтан»-" мешіті, Отан қорғаушылар монументі, Самал ш/а және әл-Фараби даңғылын ("Nova City", "Comfort Town", "Capital park. Flowers", "Zhana Omyr") қамтиды.

Бағыттың іске қосылуы:

• "Агроқалашық" тұрғын алабына көлік қызметін көрсетуге;
• Тәуелсіздік даңғылының жаңа көпірі арқылы қозғалысты жақсартуға;
• Тәуелсіздік, Республика және әл-Фараби даңғылдарын көліктік байланыспен қамтамасыз етуге;
• №2, 3, 4, 4А, 15, 15А, 31 бағдарларының жүктемесін азайтуға ықпал етеді.

Оған қоса Күмісбеков көшесінің Кенесары көшесінен Тілендиев даңғылына дейінгі аралықта қызмет көрсетуді жүзеге асырады. Бұған дейін Күмісбеков көшесінің Сейфуллин көшесінен Тілендиев даңғылына дейінгі аралықта қоғамдық көлік жүрмеген еді.

Мәтіннен қате тапсаңыз, бізге жазыңыз