Астанада ШЫҰ кезінде қандай жолдарда қозғалыс уақытша шектеледі

Астана қалалық полиция департаменті ШЫҰ саммитін өткізуге байланысты кейбір жол учаскесінде автокөлік құралдарының қозғалысын уақытша шектеу жоспарланып отырғанын хабарлады.

Қалалық ПД ресми ақпаратты Instagram желісіндегі парақшасында жариялады.

"3 шілде күні сағат 18.00-ден 22.00-ге дейін Бөкейхан көшесі бойынша Керей-Жәнібек хандар көшесінен Сығанақ көшесіндегі көпірге дейін (М-3), 4 шілде күні сағат 09.00-ден 19.00-ге дейін Нәжімеденов көшесі бойынша Тәуелсіздік даңғылынан Аманжолов көшесіне дейін, одан әрі Аманжолов көшесінен Байтұрсынов көшесіне дейін және Байтұрсынов көшесінен Тәуелсіздік даңғылына дейін", - делінген хабарламада.

Ал қалған уақытта қозғалысты шектеу ШЫҰ саммитіне қатысушылардың сүйемелдеуімен жүзеге асырылмақ.

Осы ретте елорда полиция департаменті тұрғындардан қауіпсіздіктің күшейтілген режиміне түсіністікпен қарауды сұрады.

Мәтіннен қате тапсаңыз, бізге жазыңыз