Top.Mail.Ru

Сайт нұсқасы

ru kz

Зектілері

Қазақстандықтар үшін eGov mobile-да жаңа қызмет іске қосылды

Опубликовано:

Egov сайты
Egov сайты. Көрнекі фото: NUR.KZ/Владимир Третьяков

Едімізде eGov mobile қосымшасында жаңа қызмет іске қосылды. Енді қазақстандықтар еңбек шартына онлайн түрде қол қоя алады, деп хабарлайды "Ұлттық ақпараттық технологиялар" АҚ баспасөз қызметіне сілтеме жасаған KAZ.NUR.KZ.

Қомпания мәліметінше, жаңа сервисті пайдаланушылар, ұйымдардың жаңа жұмыскерлері eGov Mobile мобильді қолданбасы арқылы сынап көре алады. Енді пайдаланушылар жұмыс берушімен еңбек шартына тек қағаз түрінде ғана емес, смартфондардан да қол қоя алады.

"Жұмыс беруші enbek.kz порталында өзінің жеке кабинетінде электрондық еңбек шартының жобасын жасайды және оны жұмыскерге келісуге жолдайды. Жұмыскерге шартқа қол қою ұсынысымен eGov Mobile мобильді қолданбасында push-хабарлама келеді. Жұмыскер өзінің жеке басын қысқа парольмен, мобильді қосымшадағы биометриялық деректермен растайды, Push-хабарлама арқылы өтеді. Жұмыскер еңбек шартымен танысады, егер шарттармен келіссе, қысқа кодты енгізіп немесе биометриялық деректермен тексеруден өтіп, өзінің ЭЦҚ көмегімен қол қояды. Жүйе enbek.kz порталындағы жұмыс берушінің Жеке кабинетіне хабарлама жібереді. Жұмыс беруші электрондық еңбек шартына қолжетімді тәсілдердің бірімен ЭЦҚ немесе QR арқылы қол қояды", - делінген хабарламада.

Жүйе қол қойылған электрондық еңбек шартын Еңбек шарттарын есепке алудың бірыңғай жүйесіне (ЕШЕБЖ) тіркеуге автоматты түрде жібереді, содан кейін шарт жасалған болып есептеледі.

Қызмет іске қосылған сәттен бастап қол қойылған электронды еңбек шарттарының саны 775-ке жеткен.

"Егер пайдаланушыда мобильді қолданба орнатылмаған болса, бірақ МАБ-та (мобильді азаматтар базасында) тіркелген болса, оған қолданбаны жүктеуге сілтемемен, жаңа хабарламаның келіп түскені туралы ақпараты бар 1414 нөмірінен sms-хабарлама жіберіледі. Қолданбаға ең алғаш кірген кезде пайдаланушыға жіберілген барлық хабарлама шығып тұрады.

Жіберілген push-хабарламаларды мобильді қолданбада, хабарлама санатына байланысты "Хабарламалар" бөлімінде көруге болады", - дейді мамандар.

"Хабардар бол!" - NUR.KZ ұсынған жаңалықтар топтамасы

Редакция ең өзекті мақалаларды бір жерге топтастырып, назарға ұсынады. Әлемде және елде болып жатқан аптаның ең маңызды оқиғаларынан әрдайым хабардар болып отырыңыз.

* міндетті түрде толтырылуы керек жол

Мақаланың түпнұсқасы: https://kaz.nur.kz/society/2127510-qazaqstandyqtar-ushin-egov-mobile-da-zhanga-qyzmet-iske-qosyldy/