Top.Mail.Ru

Сайт нұсқасы

ru kz

Зектілері

"Әкімдіктер қайда": Олжас Бектенов жол сапасына шүйлікті

Опубликовано:

Жамбыл облысындағы ақылы тасжол
Жамбыл облысындағы ақылы тасжол. Видеодан кадр: КТК

Олжас Бектенов әкімдіктерге жол жұмыстарын жүргізу кезіндегі кемшіліктерді жедел жоюды тапсырды. Бұл үкіметке сілтеме жасаған KAZ.NUR.KZ хабарлайды.

Үкіметтің Telegram-дағы арнасына жарияланған ақпаратқа сүйенсек, автожол саласын дамыту мәселесі қаралған үкімет отырысы барысында премьер-министр Олжас Бектенов қазақстандықтар негізінен жергілікті маңызы бар жолдардың жай-күйіне шағымданатынына тоқталды.

"Ақтөбе облысы Мұғалжар ауданының тұрғындары Жұрын мен Қаракөл ауылдарының арасында биыл төселген асфальттың сапасын көрсетті жаңадан төселген асфальт қолмен үгітіліп жатыр. Ал Жетісу облысы Кербұлақ ауданы Қоянкөз ауылының тұрғындары асфальт төсеу технологиясын сақтамаған мердігер компанияны өз жұмысын тоқтатуға мәжбүр етті. Әкімдіктер қайда, неліктен күнделікті сапалы бақылау жүргізілмей жатыр? Бірінші кезекте тұрғындардың шағымдарына дереу жауап беру керек", - деп атап өтті премьер-министр.

Бұған қоса ол биыл елімізде бірқатар ірі жоба аяқталатынын баса айтты.

Олардың қатарында "Қарағанды – Алматы", "Ақтөбе – Қандыағаш", "Атырау – Астрахань" және "Талдықорған – Өскемен" тасжолдары бар. Сондай-ақ шамамен 2,5 мың км болатын республикалық жолдарда жөндеу жұмыстары қолға алынды.

"Іске асырылып жатқан жобалардан басқа, жаңаларын уақтылы жобалау мен дайындауды қамтамасыз ету қажет. Бірінші кезекте, жер учаскелерін алдын ала резервке қою керек. Жобалардың іске асырылуы алдымен осыған байланысты. Келесі өзекті мәселенің бірі қаржыландыру. Кейбір өңірлерде жалпы сипаттағы трансферттерді игеру қарқыны төмен. Мысалы, мұндай проблемалар Ақтөбе, Түркістан және Ұлытау облыстарында бар", - деді Олжас Бектенов.

Үкімет басшысы құрылыс маусымы қысқа деп сипатталатын солтүстік және шығыс өңірлерде ерекше маңызды жобаларды іске асыру мерзімдерінің мүлтіксіз сақталуы мәселесін көтерді. Осыған байланысты қойылған міндеттерге қысқа мерзімде қол жеткізу үшін барлық шараларды қабылдау тапсырылды.

"Хабардар бол!" - NUR.KZ ұсынған жаңалықтар топтамасы

Редакция ең өзекті мақалаларды бір жерге топтастырып, назарға ұсынады. Әлемде және елде болып жатқан аптаның ең маңызды оқиғаларынан әрдайым хабардар болып отырыңыз.

* міндетті түрде толтырылуы керек жол

Мақаланың түпнұсқасы: https://kaz.nur.kz/society/2130882-akimdikter-qaida-olzhas-bektenov-zhol-sapasyna-shuiilikti/