"Құны 900 миллион": Қарағанды облысында хоккей клубы мемлекет меншігіне қайтарылды
Жарияланған күні:
Қарағанды облысының прокуратурасы заңсыз берілген құны 900 миллион теңгені құрайтын "Сарыарқа" хоккей клубын мемлекет меншігіне қайтарды. Бұл туралы ведомствоға сілтеме жасаған KAZ.NUR.KZ хабарлайды.
Прокуратура заңсыз берілген 37 жер телімін және құны 900 миллион теңгені құрайтын "Сарыарқа" хоккей клубын мемлекет меншігіне қайтарды.
"Негізгі міндеттер заңсыз алынған мүлікті анықтау және мемлекетке қайтару, сондай-ақ экономикалық ресурстардың заңсыз шоғырлануына және мүлікті заңсыз алып қоюға ықпал еткен себептер мен жағдайларды анықтау болып табылады", - деп хабарлады Қарағанды облысы прокуратурасының өкілдері.
Қазір прокурорлар мемлекеттік мүлікті жекешелендірудің заңдылығын тексеріп жатыр.
Мемлекеттің экономикалық мүдделерін қалпына келтіру мақсатында заңсыз алынған және жекешелендірілген барлық мемлекеттік мүлікке қатысты прокурорлық қадағалау және ден қою шаралары қабылданатын болады.
Айта кетейік, 2023 жылғы 12 шілдеде мемлекет басшысы "Заңсыз иемденілген активтерді мемлекетке қайтару туралы" Заңға қол қойды.
Мақаланың түпнұсқасы: https://kaz.nur.kz/society/2132883-quny-900-million-qaragandy-oblysynda-hokkei-kluby-memleket-menshigine-qaitaryldy/
